अणुऊर्जेला शिवसेनेचा विरोध मतपेटीसाठीच : उद्योगमंत्री नारायण राणे

अणुऊर्जेला शिवसेनेचा विरोध मतपेटीसाठीच : उद्योगमंत्री नारायण राणे

दिनांक: 07-12-2010

कणकवली, (प्रतिनिधी) : अणुऊर्जा घातक हा चुकीचा प्रचार केला जात आहे. जगातील अनेक विकसित राष्ट्रे आपली विजेची गरज अणुऊर्जेवरच भागवत आहेत. आपल्या देशाची आणि राज्याची वीजेची गरज लक्षात घेता अणुऊर्जा निर्मिती पर्याय स्वीकारणे अपरिहार्य आहे, असे राज्याचे उद्योगमंत्री नारायण राणे यांनी पत्रकार परिषदेत सांगितले. जैतापूर अणुऊर्जा प्रकल्पाला शिवसेना जो विरोध करत आहे, तो जनहितासाठी नसून मतपेटीसाठी आहे. अशा भूलथापांना जनतेने किती महत्व द्यायचे हे जनतेनेच ठरवावे, असेही उद्योगमंत्री ना. राणे यांनी यावेळी सांगितले.